Kristaletan eskarmentua

Ibilgailu berriak zein zaharrak, eta era guztietakoak, izan autoak, furgonetak, kamioiak... eta kristal guztiekin egiten dute lan, hau da, aurrekoekin, alboetakoekin nahiz atzekoekin. «Egindako ibilbidearekin eta eskaintzen dugun zerbitzuarekin pozik gaude, eta esperientziaz gain, egonkortutako lantaldea dugula ere azpimarratzekoa da, ia ibilbide osoan langile berdinak mantendu baikara».

Kristalak oso-osorik aldatzea izaten da aukeretako bat, baina, Desacristalen konpontzearen aldeko hautua egiten dute: «Ekologikoagoa, azkarragoa eta merkeagoa» delako. «Kristala erabat aldatzea guretzat errazagoa da, baina bezeroarentzat garestiagoa da; aldiz, kristala konpontzean, autoa ez duzu ukitzen, alegia, ez duzu desmuntatu beharrik, beraz, konponketa ez da hain bortitza, eta ez duzu hainbeste kristal erabiltzen». Konpontzean, injektore bat jartzen dute, erretxina injektatzeko, eta modu horretan ez dute ibilgailua hainbeste «ukitu» beharrik. Hori bai, konpontzeko, bada mugarik. «Bi euroko txanpon baten tamainatik gora aldatu beharra dago». Dena den, gehienetan txikiagoak izaten dira.

Kristalak konpondu edo aldatzearekin batera, kristalak iluntzeko laminak ere jartzen dituzte Irurako lantegian. «Lan handia egiten dugu arlo horretan, batik bat udan». Eta, euren beste zerbitzuetako bat ibilgailuetako argiak edo faroak leuntzea edo pulitzea izaten da. Garden geratzeko leundu egiten dituzte, eta ultramore izpien bidezko tratamendu bat ematen diete, gardentasun hori galdu ez dezaten. «Gardentasuna galtzearekin faroek argi gutxiago egiten dutela nabaritzen da, eta, gainera, ibilgailuaren azterketa teknikoa egitean horri ere erreparatzen diote, akats txiki edo larri izatera ere iritsiz».

Kristalen konponketan aseguruekin egiten dute batik bat lan Desacristalen. «Gaur egun aseguru ia guztietan kristalak sartuta daude, eta Cristalbox katearen barruan gaudenez, aseguruekin akordioak ditugu, zerbitzua azkartuz eta erosotuz».