Abentura astea antolatu du Irura Bizi elkarteak eta egunotan emanaldiak eskaintzen ari dira. Josu Iztueta eta Iker Iriarteren eskutik, asteartean, Arrastoan dokumentala ikusi ahal izan zuten bertaratutakoek. 2018an Laponiara egindako bidaiaren inguruan solasean aritu ziren bi bidaiariak.
Abentura astearen barruan beste bi ekitaldi egingo dituzte:
- Azaroak 10, osteguna
- 19:00. Herri eskolan Imanol Artola Felixen eskutik Bidaiatu gabeko bidaia hitzaldia izango da entzungai. Euskal Herrian zehar bizikletaz egindako bidaiaz arituko da amezketarra.
- Azaroak 15, asteartea
- 19:00. Herri eskolan Bidean izeneko dokumentala izango da ikusgai eta ondoren Aritz Ganboa egilearekin solasaldia egingo dute.