Irurako Udalak, duela urtebete, komun publiko baten kokapena erabakitzeko galdeketa jarri zuen abian. 154 herritarrek eman zuten bozka, horietatik %54k San Migel plazan kokatzearen alde egin zuten. Emaitza honen ondorioz, obra burutzeko lanak jarri zituzten martxan.
"Merkatuaren egoera zailak, lanak osatzeko oztopo ugari jarri badizkigu ere, komun publikoa erabilgarri dago herritar guztientzat", esan dute udal arduradunek.