Jendetza gerturatu da goizean Irurako plazara. Izan ere, Irura Moretuz talde feministak emakume artisauen lehen azoka antolatu du, euren lanari ikusgarritasuna emateko helburuarekin. Guztira 28 postu izan dira herriko plazan. Artisau postuak izan dira nagusi; tartean, zeramika, bitxiak, jantziak, pinturak, jostailuak, egur lanak eta kristalarekin egindakoak, besteak beste. Horrekin batera, goseaz zegoena tripa betetzeko aukera ere izan du ogia eta Anoetako talogileek egindako taloekin. Oraindik bertaratu ez dena garaiz dabil, eguerdiko 14:00ak arte izango baitira bertan.