Partida osoan aurretik joan dira Joxi Lopetegi eta Sebastian Moncada. Aldea, ordea, segidan murrizten zuten Larrondek eta Borteyruk. Berdinketa puskatzerik ez dute izan eta 25ekoan ihes egin dute Lopetegik eta Moncadak. Finala azken zatian erraz irabaziko zutela zirudien, baina iparraldeko bikoteak txapeldunak estu hartu ditu azken tantoetan eta 38-39 jarri dira.
II. Gazteak Xare Irekia
Halsouet-Iturbek jantzi dute gazteen mailako txapela, 40-33 irabazi ondoren. Arrizabalaga-Mujika ondo lehiatu dira baina Halsouetek tantoa erraz amaitzen duela bikain erakutsi du. Iturbe irurarrak, beraz, Lopetegik bezala txapelarekin amaitu du etxeko txapelketa.