Irura Bizi elkarteak Uzta Giro festa eguna antolatu du, eta egun osoko egitarauaren barruan herri bazkaria egin dute. Txikienek elizako aterpean egin dute otordua, eta helduenek eguzkitakoak zabaldu behar izan dituzte plazan, eguzkiaren berotik babesteko.
Uztailean antolatu izan du Uzta Giro festa eguna Irura Bizi elkarteak, eta aurten ere, gogotsu antolatutako eguna izan dute. Herriko eragileekin antolatua, eta era berean, herriko erreferenteak ikustaraztea helburu hartuta. Uztailean, irurarren uzta kalera atera dute.
Adin ezberdineko herritarrei zuzendutako ekimenak izan dituzte egunean zehar. Eta festa eguna bera, berriz ere, musikak lagunduta, eta mahaien eta kupelaren bueltan elkartuta amaituko dute.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!
