Irailaren 23an jaien hasierako txupinazoa botatzeko arduradunak proposatzeko aukera eskaintzen die kultur mahaiak herritarrei. Proposatzen den pertsonak edo taldeak lotura zuzena izan behar du Irurarekin, eta kultura mahaitik adierazi dutenez, taldea balitz, pertsona horiek nolabaiteko lotura eduki beharko lukete elkarren artean.
Txupinazoa botako duen pertsona edo taldearen izena eta arrazoia, labur-labur azalduta, kultura bulegoan aurkeztu beharko dira uztailaren 6a baino lehen, 688 874 896 zenbakira whatsapp bat bidali beharko da.
Proposamenak aurkezteko epea amaitutakoan, kultura mahaiak azterketa egingo du eta teknikoki egokiak ez diren proposamenak baztertuko ditu (akatsak dituelako, irizpideak betetzen ez dituelako, txupinazoa aurreko urteren batean bota izan duelako…). Bestalde, proposamen integratzaileei, errespetuan oinarritutakoei eta ahalik eta adostasun eta atxikimendu gehien sor dezaketenei lehentasuna emanez aukeratuko dute txupinazo jaurtitzailea.