Ikasle gazteen orkestren artean, munduko entzutetsuenekoa eta onenetakoa da, eta udan joko du Perezek bertako musikariekin, Salzburgon (Austria) ospatuko den jaialdi batean.
Atzo, erdi-mailako ikasketak amaitu zituen Francisco Escudero Kontserbatorioan, eta amaierako errezitaldian, Esnaolak idatzitako Erro obra jo zuen. «Berez ez da lehen aldia izan, baina niretzat estreinaldia izan da», esan du Esnaolak. Igor Arostegi Euskadiko Orkestrako perkusio-jotzaile ibartarrari eskainitako obra da Erro; hain justu, Arostegi ere aritu zen arestian aipatutako Vienako orkestran.