2021ko aurrekontu parte hartzaileen prozesuan, Ibai-gain pasealekuko zorua hobetzea izan zen aurkeztutako proiektuen artean bozkatuena. Azken asteetan, emaitza horretatik eratorritako lanak egin dira. Herritarrek ibilbide horretako irisgarritasuna hobetzea eskatu zuten, batez ere, euriak sortzen zuen lokatza ekiditeko eta adineko edo desgaitasun fisikoa dutenentzat egokiagoa izan dadin.
Egindako lanek helburu hori lortzea espero du Irurako Udalak, eta gonbidapena luzatzen die herritarrei hurrengo prozesuetan parte har dezaten.