Iruran motoen kopurua igotzen ari dela ikusirik, eta tarteka, oinezkoak pasatzen diren guneetan edo etxebizitza azpietan aparkatzen direnez, Irurako Udalak ibilgailu hauek aparkatzeko gune estali bat jarri du Paper kalean.
Inguruko auzoetan bizi diren motorren jabeei gonbita luzatzen die udalak, aparkaleku berri hau erabil dezaten, bestelako albo kalteak ekidin ahal izateko. Erabileraren arabera, aparkalekua handitzeko aukera aztertuko dute.