Eskolarteko emakume eta gizonezko kozkortuen mailako Gipuzkoako xare Txapelketaren finalak jokatuko dira ostiralean, apirilaren 1ean, 18:30ean, Ametsa trinketean.
Emakumeak izango dira lehenak, eta Paule Fernandez eta Uxue Iturbek, Maddi Amundarain eta Ianire Iturberen kontra jokatuko dute. Faborito argirik gabeko finala izango da; ligaxkan elkarren kontra jokatutako partidetan, partida bana irabazita heldu baitira. Ahalegin handia egiten ari dira Irurako neska gazteak xarez jokatzeko hautua eginda, eta oso maila polita lortzen ari dira. Egiten ari diren ahalegina kontuan izanda, neska hauei heuren ahalegina txalotzera trinketera hurbiltzea merezi du.
Mutilen mailako finala, Oier Yarza eta Ander Calongek, Ekhi Gibelalde eta Ibai Larrañagaren kontra jokatuko dute. Hemen ere emakumeen mailan eman den egoera bera eman da; Alegia, elkarren kontra jokatutako partidetan, bikote bakoitzak partida bat irabazi baitu. Hortaz, honek ere partida ederra izateko osagai guztiak ditu.
Ostiralean emozioa bermatuta dago Ametsa trinketean. Espero zaituztegu!!!