Urteetan zehar Irurako emakumeek egin duten lana azaleratu eta aitortzeko asmoarekin, Irurako Udalaren eta Irura Moretuz emakume talde baten ekimen eta lanari esker osatu da ibilbidea. Larunbatean aurkeztu zuten.
Irurako emakumeek esparru anitzetan, industrian, zaintzan edota militantzia politikoan egindako lana aitortzen du ibilbideak. "Irura moretzen jardun duten eta jarduten duten emakumeen bizipenak ezagutuko dira. Beraz, ibilbide fisikoa da, baina baita ibilbide sinboliko eta aldarrikatzailea ere", esan dute ekimenaren bultzatzaileek.