Irurako Udalak Gizarte Zerbitzuetako Gida etxe guztietara banatu du. Helburu nagusia gizarte zerbitzuetako informazioa erraztea da, "herritarren ongizatearekin duen lotura zuzenagatik funtsezko zerbitzua delako". Sail honetan egiten duen lanaren bitartez, irurarren oinarrizko beharrak asetzen saiatzen da udala, arreta berezia ipiniz pertsona zaurgarrienetan.
Gidarekin udalak beren eskubideen berri eman nahi die irurarrei eta premia egoeran zein laguntza izan dezaketen, nolako laguntza den, nora jo dezaketen azaldu du udalak gida honetan.
Irurako Udaleko arduradunek adierazi dutenez, erakargarria, irakurtzeko eta ulertzeko erraza da da eta herritarren gustukoa izatea espero du. "Bertan, oinarrizko informazioa azaltzen da, hortik aurrera informazio sakon eta zehatzagoa nahi duenak beti jo dezake udaletxeko gizarte zerbitzuetara", esan dute.