Irurako Udaleko Kultur sailak Bizitza osasuntsua elikaduraren bidez. Dietak eta sukaldaritza osasuntsua ikastaroa antolatu du, 55 urtetik gorako herritarrentzat, Ceban-en eta Gazte Alaiak elkartearen laguntzarekin.
Ikastaroaren helburua menuak eta errezeta sorta osasuntsuak eta naturalak elaboratzea izango da. Gorputzaren pisua elikagaiak konbinatuz erregulatzea eta gaixotasunak elikaduraren bidez prebenitzea.
Gazte Alaiak elkartean izango da ikastaroa, otsailean, astearte eta ostegunetan, 16:00etatik 19:00etara. 20 ordu izango dira guztira, otsailaren 1tik 22ra, eta aurrera atera ahal izateko 12 ikasle beharko dira gutxienez.
Matrikula doan izango da, eta izena kultur etxean eman beharko da, urtarrilaren 31a baino lehen: kultura@irura.eus helbidean edo 688 87 48 96 telefonoan.