Otsailaren 8a baino lehen eman beharko da izena Xare okindegian, Trinkete tabernan eta Irurakoemakumeak@gmail.com helbidean.
Irura Moretuz emakume taldearen Lilatoierako kamisetak erosteko izen ematea zabaldu dute. Kamiseta eskuratu nahi dutenek Xare okindegian edota Trinkete tabernan eman beharko dute izena edo mezu bat bidali Irurakoemakumeak@gmail.com helbidera. Otsailaren 8a da horretarako azken eguna.
Kamiseta bakoitzaren prezioa 12 eurokoa da eta izena eman dutenei banatuko zaizkie martxoaren 2an eta martxoaren 4an, herri eskolako gela borobilean 16:30etik 19:00etara.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!