Honela, hainbat neurri hartu ditu Irurako Udalak. San Migel plazara sartzeko ohiko errepidea itxita egongo da erabat, eta argazkian gorriz markatutako eremuan ezingo da sartu, ezta aparkatu ere. Obrako ibilgailuak baimena izango dute aipatu eremura sartzeko.
San Migel plaza eta Agarre bailarako bizilagunek eta zerbitzuetako ibilgailuek soilik izango dute baimena eliz atzeko sarrera erabiltzeko (argazkian laranjaz markatutako eremua). Kontuan izan beharko dute bizilagunek bideo-kameraz zaindutako eremua dela eta udalak azpimarratu bezala, arau-hausteak zigortuak izango direla.
Egoera ikusita, udalaren gomendioa da aparkatzeko beste eremuak erabiltzea, auto pilaketak ekiditeko eta zerbitzuak, hornidurak, larrialdiko ibilgailuak eta gainontzeko ibilgailuen lana erraztu ahal izateko nahikoa leku izan dezaten. Gauzak honela, proposatutako aparkalekuak dira trinketea, pilotalekua eta Sagasti kalea ingurua.
Era berean, udalak aurreratu du oinezkoen ibilbidea prestatuko dela eta zabor edukiontziak Kale Nagusiaren ingurura pasako direla.
Argibide, kexa edo iradokizunetarako Irurako Udalak hiru bide zabalik ditu: 943 69 13 33 telefono zenbakia; Idatzi udalari atala App-ean eta irura@irura.eus helbide elektronikoa.