Irurako Udala administrazio eraginkorragoa izateko pausuak ematen ari da, oraingo honetan, ordenagailu bat jarri du herritarren eskura beraien tramiteak elektronikoki egin ahal izateko.
Halaber, ez dakien herritarrari azalpenak emango zaizkio zein pausu eman behar dituen ikasteko. Hemendik aurrera eta B@kq ziurtagiri digitalaren bitartez errazago egin ahal izango dira udalarekiko tramiteak.
Irurako Udalak, orain dela gutxi estreinatu zuen Irura Eskura aplikazioa eta orain ezarri berri duen ordenagailu zerbitzu honekin, herritarrak administrazioarekin elektronikoki komunikatu ahal izatea bermatu nahi du, modu erraz eta arin batean.