Herriko merkataritza eta ostalaritza sustatzeko helburuarekin Irurako Udalak erosketa bonuak banatuko ditu herritarren artean, herriko saltokietan erabiltzeko. 10 euroko balioa duten bost bonuko loteak eskuratu ahal izango dituzte, eta honenbestez, 50 euroko balioa duen lotea 40 euroan erosi ahal izango dute herritarrek. Kanpaina ekainean hasi eta abuztuaren 31n bukatuko da.
Irurako Udalak bonuak gastatu ahal izateko saltokien zerrenda eman du ezagutzera:
- Ametsa Trinketea
- Ametz estankoa
- Attonaren denda
- Enara taberna
- Farmazia Miren Bakarne Arrue
- Loatzo taberna jatetxea
- Triku ile-apaindegia
- Tximak ile-apaindegia
- Xare okindegi kafetegia
Pertsonako lote bat eskuratu ahal izango da udaletxeko harrera bulegoan, 09:00etatik 14:00etara, ekainetik aurrera. Herritarrak eskaintza berezi honetan parte hartzera animatzen ditu udalak: "Garrantzitsua da erosketak herriko komertzioetan egitea".