Xareko I. Irurako Irekiak eta Gipuzkoako Txapelketen finalak jokatzen ari dira egun osoan zehar Irurako Ametsa trinketean. 11:30ean hasi da jardunaldia, eta arratsaldez, emakumeen txanda izango da. Emakumeen ostean, Gipuzkoako jubenil mailako finalarekin amaituko da xareko jaialdia.
Goizean zehar, gaztetxoen, gazteen eta maila nagusikoen finalak jokatu dira. Gaztetxoen mailan, Murua II-Arsuagak, Murua I - Calongeren aurka jokatu dute; gazteen mailan, Galartza II-Aristi, Maiza- Herasen aurka aritu dira, eta, azkenik, maila nagusian, Lopetegi-Moncadak Apeztegia I-Sainzen kontra jokatu dute.
Arratsaldeko partidetan, emakumezkoen mailan, Mujika II- Gorriti, Goenaga-Fernandez bikotearen aurka arituko da. Eta ondoren, xareko azken partidan, Gipuzkoako jubenil mailako finala izango da jokoan. Mendizabal-Isasa II.ak, Zabalegi-Iturberen kontra jokatuko dute.