Atzo jokatu zen Gipuzkoako Eskolarteko Bertsozale Elkarteko laugarren eta azken kanporaketa eta finalean arituko diren sei bertsolariak erabakita geratu ziren. Atzoko saioa Amets Aizpuruak irabazi bazuen ere, kanporaketetako lau irabazlek eta puntuazio gehien lortu duten bi bertsolarik egin dute aurrera eta lortutako puntuazioagatik sartu da Mendiluze finalean. Irurarrarekin batera, Joar Garate, Nerea Isusi, Naia Arrizabalaga, Amets Aizpurua eta Ekarin Tolaretxipik abestuko dute finalean. Finala, maiatzaren 28an izango da, 19:00etan, Urnietako Sarobe aretoan.
Urnietako Sarobe aretoan izango da finala maiatzaren 28an, eta eskualdeko ordezkari bat arituko da kantuan: Jon Mendiluze irurarra.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!
EGIN ATARIKIDE!