Irurako Udalak begiraleak kontratatuko ditu antolatuko dituen Uda Aisialdia 2021 udaleku irekietarako, ekainaren 21tik uztailaren 23ra goizez hiru ordu eta erdiz aritzeko. Izena ematen duten haur kopuruaren arabera, baldintzak alda daitezkeela jakinarazi du udalak.
Hezitzaile lanetan aritzeko beharrezkoa da adinez nagusia izatea kontratua sinatzean, euskaraz jakitea eta natura sexualeko delituenganako aurrekari penalik ez izatea. Deialdiaren oinarriak Gipuzkoako Aldizkari Ofizialean eta Irurako udaleko web orrialdean daude eta bertan ikus daitezke kontutan hartu eta baloratuko diren puntuak (titulazioa, ikasketak, lan eskarmentua, euskara maila egiaztatzen duen agiria, besteak beste).
Hautaketa prozesuan, merituak baloratzeaz gain, talde dinamika bat egingo da. Frogak,maiatzaren 31n arratsaldez eta ekainaren 1ean goizez egingo dira.
Interesatuek curriculuma eta titulu, ikastaro eta lan egin izanaren agirien kopiak (maiatzaren 4tik 23ra, biak barne) udaletxeko bulego orokorrera eramanez, elektronikoki edo postaz aurkez ditzake. Maiatzaren 28a baino lehen, curriculumean jartzen den kontaktuko zenbakira jakinaraziko zaie hautagaiei talde dinamika non eta noiz egingo duten.
Aurten, aisialdiko begirale titulua lortzeko lehen praktikak burutu nahi dituztenentzat, gehienez lau plaza eskainiko dira eta eskaera egiteko prozesua, begirale izateko prozesuaren berdina da.