Bide batez, Irurako Udalak jakinarazi du egunotan udalaren izenean informazio faltsuak eskaintzen ari direla. "Udal honek ez du horrelako eskaintza edo informaziorik zabaldu ohiko bide ofizialetik aparte, beraz ez egin kasu. Udal honek eskaintzen dituen laguntzei buruzko informazio guztia www.irura.eus webgunean edo udal bulegoetan kontsulta daiteke, astelehenetik ostiralera, 09:00etatik 14:00etara", esan dute udal arduradunek.
lruzurra izan daitekeela uste izanez gero, Ertzaintzarekin (943 538 820) harremanetan jartzeko aholkatu dute Irura udaletik.