Irura Bizi elkarteak antolatu du ekitaldia, eta hainbat haurrek parte hartu dute. Itziar Saenz de Ojer ipuin kontalariak lau saio eskaini dute, plazako gela borobilean giro berezia sortuz, kandelekin eta gau honetako beste hainbat elementurekin. Behin saioa bukatuta, plazan erretzen ari ziren gaztainak jateko aukera izan dute haurrek.
Aurtengoan, neurri bereziak hartu dituzte antolatzaileek, eta horregatik egin dituzte lau saio, gela borobilean haur kopuru jakin bat izateko. Gaztaina jateari dagokionez, beste urtetan saio orokorraren ondoren egin izan da, baina aurtengoan saio bakoitza eta gero egin da, jende pilaketak saihesteko.