“Xanduli, manduli…Animen gaueko kontuak” kontakizuna eskainiko du Itziar Saenz de Ojerrek. Lau saio izango dira eta aurrez jaso beharko da gonbidapena.
Larunbatean lau emanaldi izango dira guztira. 17:00ean eta 17:45ean 6-9 urte artekoentzako bi saio izango dira, eta 18:30ean eta 19:15ean 10-12 urte artekoentzako beste bi saio. Plazako gela borobilean izango dira saioak euskaraz, eta gehienez 25 lagun bilduko dira taldeko. Saioaren amaieran gaztaina erreak banatuko ditu Irura Bizi elkarte antolatzaileak.
Gonbidapena eskatzeko Irurako Udalaren webgunera jo behar da.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!