Hildako langilearen senitartekoei eta lagunei elkartasuna eta babesa adierazi nahi izan die LAB eta ELAk.
Sindikatuek azaldu dutenez, lan istripua atzo izan zen, Irurako Laskibar Industrigunean. Ezbeharraren ondorioz 45 urteko langileak bizitza galdu zuela "gogor salatu" dute. 12:40ean gertatu zen istripu larria, eta azkar bertaratu ziren anbulantziak, baina ordurako langilea hilda zegoela ikusi zuten.
Ekainak 26, ostirala, euskal gehiego sindikalak elkarretaratzea egingo du Iruran, 11:00etan, Lan istripu gehiagorik ez, prekarietatea hiltzailea lelopean.
LAB sindikatuaren arabera, 2020an guztira 37 langile hil dira, eta Zaldibarko zabortegiko bi langilek desagerturik jarraitzen dutela gogorarazi dute.