Astelehenetik igandera egongo da zabalik gimnasioa 10:00etatik 21:30era eta erabiltzaile bakoitzak egunean ordubetez erabili ahal izango du. Gehienez 10 pertsona egon daitezke elkarrekin gimnasioan.
Gimnasioa erabiltzeko aldez aurretik hitzordua eskatu behar da, aurreko asteko astelehenetik osteguna bitartean 688 87 48 96 zenbakira deituz edo WhatsAppa bidaliz. Eskatzaileei ostiralean konfirmatuko die udalak baimena duen edo ez. Baimena eskuratzen dutenak, Trinketeko tabernan jaso beharko dute sartzeko txartela eta erabilera arauak onartzen dituztela esanaz agiria sinatu beharko dute.
Irurako Udalak erabilerako oharren berri eman du: ur botilak, izerdia lehortzeko eskuoihalak... norberak bereak eraman eta erabili beharko ditu, Horrez gain, kaleko oinetakoekin sartzea debekatuta egongo da. Gimnasioaren ondoan dagoen komuna irekita egongo da baina aldagelak ezingo dira erabili.
Bakoitzaren txanda bukatu baino 5 minutu lehenago erabilitako makinak desinfektatu egin beharko dira horretarako udalak gimnasioan bertan utzitako produktu eta zapiekin.