"COVID-19aren krisian, udalek lehen mailako erantzuna eman dugu. Ez dugu onartzen alde bakarrez harturiko erabaki hau eta irtenbidea adostea proposatzen diogu Gipuzkoako Foru Aldundiari", esan du Gorka Murua Irurako alkateak.
Honenbestez, Diputatuen Kontseiluak onartutako Udalen Finantzaketarako Foru Funtsaren inguruko erabakia salatu du Muruak eta honako proposamena luzatu dio Gipuzkoako Foru Aldundiari:
- Atzera bota dezala Udal Finantziaketarako Foru Funtsa bueltatzeko onartutako erabakia.
- 2020ko aurrekontu aurreikuspenak bere horretan manten ditzala udalentzat.
- Zerga bilketaren jaitsieraren ondorioz, Udal Finantziaketarako Foru Funtsaren beherakada itzultzeko hiru urteko epealdia ezartzea 2021ean hasita, inongo interesik gabe.
- Gipuzkoako Foru Aldundiak 20 milioi euroko diru laguntza bat bideratu dezala udaletara COVID-19ko krisiak sorturiko gainkostuak arintzeko asmoz.