Koronabirus pandemiak herrian eragindako heriotzak eta heriotza horien egoerak (bakardadea, familiaren berrogeialdia, agurrik gabeak, dolua lantzeko ezintasuna) familietan eragin kaltegarria eragiten duela irizten dio Gorka Murua alkateak.
Hori dela eta, familiako kideren bat hil zaien herritarrei, prozesu honetan laguntzeko, psikologian aditu baten laguntza eskaintzea erabaki du alkateak dekretu bidez. Laguntza, telefono edo bideo-dei bidezko saioa izango dela argitu du. Horretarako profesional batzuen zerrenda jarri du herritarren eskura.
Eskainitako zerbitzuagatik adituek udalari faktura egingo diote. Pertsona bakoitzarekin saio bat egingo da eta adituek gehiagoren beharra ikusten badute, gizarte zerbitzuetara abisatu eta behar duten herritarrek beste bi saio egiteko aukera izango dute.
Informazio gehiago behar duten herritarrek udaleko telefono zenbakira dei dezakete: 943 69 13 33.