2016tik ari dira lanean Irurako tailerrean, baina askoz urte gehiagotako esperientzia daukate. Hori dela eta, etengabe hazten ari dira, bi langiletik bost izatera igaroz: «Hasiera batean asko kostatzen da, baina urteen poderioz ikasi egiten da, eta gaur egun, jakinduria horretaz asko baliatzen gara».
4x4 ibilgailuetan duten jakinduria ez ezik, gertutasuna eta bezeroen beharretara egokitzeko daukaten ahalmena azpimarratzen dute Aztaka tailerrekoek. Gainera, zerbitzu eskaintza zabala daukate: mekanika orokorra, elektrizitatea eta elektronika, IAT ibilgailuen azterketa teknikorako ikuskapena, olio aldaketak, gurpilak aldatzea, bola jartzea, suspentsioak, argiak, osagarrien salmenta… «4x4 ibilgailuetan espezialistak gara, eta hain inguruan jakintza handia daukagu», nabarmendu dute. Gainera, edozein auto markarekin lan egiten badute ere, Toyota markan espezializatuta daude. Herritar guztiak, eta batez ere 4x4 ibilgailuak daukatenak, Aztaka tailerrera hurbiltzera animatu nahi dituzte: «Edonork etortzeko eta kontsulta egiteko aukera dauka».