- Txapeldunak erabakiko diren asteburura iritsi da I. San Migel Xare Irekia. Gaur arratsaldean finalerdiak jokatuko dituzte, eta irabazleak bihar lehiatuko dira, txapeldun bilakatzeko. Gorabeheratsua izan da torneoa, bigarren jardunaldian trinketeko atzeko kristala hautsi ondoren, antolatzaileek aldatu egin behar izan baitute egutegia. Zozketa bidez osatu dituzte finalerdiak, eta 19:00etan hasiko dira partidak.
Lehenengo finalerdian Apeztegia-Funosas eta Larronde-Moncada bikoteak ariko dira elkarren aurka. Bigarrengoan, De Paredes-Bortheiru eta Driolet-Etxeverri. Norgehiagoka bakoitzean irabazten dutenek, finala bihar 12:00etan hasiko den jaialdian jokatuko dute, festen barruan.
Finalaren atariko nesken arteko xare partidak jokatuko dituzte. Lehen aldiz, jokatzen duten pilotari guztiak neskak izango dira. Sei pilotari daudenez, hiru bikote egin dituzte: Naroa Goenaga-Matxalen Mendizabal, Nora Galartza-Maider Isasa, eta Irati Fernandez-Nahia Gorriti. Hiru bikoteek elkarren aurka jokatuko dute, 10 tantotako joko bana, hain justu.
Partidak 19:00etan hasiko dira, Ametsa trinketean, eta irabazleek finala bihar jokatuko dute, 12:00etatik aurrera.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!