Bihar izango da hitzordua, ekainak 6, 18:30ean plazako gela borobilean.
Solasaldian parte hartuko dute Irurako Maria Lasak eta Ane Etxeberriak eta bi gazteen ahotik ezagutu ahal izango da atletismoaren mundua.
Lasak iaz, 20 urtez azpiko 800 metroko Espainiako Txapelketa irabazi zuen denboraldi bikaina osatuz. Aurtengo denboraldirako Playa de Castellonekin fitxatu zuen, baina, iazko denboraldian bezala, Tolosan eta Donostian entrenatzen du.
Ane Etxeberriak ere denbora bikainak egin ditu Tolosa CF Atletismo taldearekin, eta bere esperientziaren berri emango du herrian bertan.
Irura Bizi Elkarteak irurar gazteek atletismo munduan duten esperientzia ezagutzera emateko hitzaldia antolatu du, Korrikaz bizi izenburupean.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!
EGIN ATARIKIDE!