Guztira 151 patinatzailek hartu dute parte Irurako V. lasterketa herrikoian. Alde batetik, haurren bi lasterketa izan dira, 6-9 urtekoena eta 10-15 urtekoena, hain zuzen ere. Beste aldetik, helduek 8,5 km egin dituzte Katategi industrialdean barrena. Emakumezkoetan Ane Lapuente ziordiarra izan da garaile eta bere atzetik sailkatu dira Iratxe Lapuente ziordiarra eta Amale Mujika pasaitarra. Gizonezkoetan, berriz, Ilazki Zalakain tolosarra izan da azkarrena eta haren atzetik sartu dira Nicolas Alonso donostiarra eta Iñaki Zubillaga tolosarra.
Gainera, federatuentzat Gipuzkoako gazte mailako errepideko txapelketa ere izan da. Hauek 2,5 km egin behar izan dituzte eta guztira 15 parte hartzaile izan dira. Junior mutiletan Arkaitz Manterola tolosarra izan da nagusi eta nesketan Leire Estanga billabonatarra. Bigarren postua, berriz, Eneritz Rodrigo tolosarrarentzat izan da. Jubenil mutiletan Ibai Gabarain tolosarra izan da garailea eta Iñaki Azkue hernaniarra eta Julen Urrestarazu tolosarra sailkatu dira haren atzetik. Infantil nesketan Marta Garcia tolosarra izan da azkarrena eta Iraia Uson tolosarra eta Oihana Andueza tolosarra sartu dira bere atzetik. Infantil mutiletan, berriz, Ximon Villalobos lasartearrarentzat izan da garaipena eta Julen Urkizar tolosarrarentzat eta Oier Alonso tolosarrarentzat bigarren eta hirugarren postuak. Alebin mutiletan Peru Urkola zarauztarra izan da irabazlea eta Iñigo Balda tolosarra bigarrena.
Antolatzaileek babesleei eskertu diete lasterka egiteko eman duten laguntza.