Bertso babarrun jana egingo dute abenduaren 15ean

Bertso babarrun jana egingo dute abenduaren 15ean

Iruran sortze bidean dagoen kultura, kirola eta transmisio taldeak antolatu du eta Oihana Iguaran eta Haritz Mujika ariko dira bazkarian. Txartelak, abenduaren 11ra arte eskura daitezke Enaran, Errekalden, Xare Trinketean eta Aizpuruan.

Gazte Alaiak elkartean egingo da bazkaria eta horren aurretik bisita gidatua egongo da herriko baserrietan babarrunaren prozesua ikusteko. Hitzordua, 11:00etan egin dute.

Gero, babarrunak jango dituzte sakramentu guztiekin, gazta eta irasagarra, edaria, kafea eta kopa izango dira menua osatzeko. Umeek 13:30ean bazkalduko dute eta helduek 14:30ean. Bi urtetik aurrerako umeentzat zaintza zerbitzua egongo da 15:00etatik 18:00etara.

Auzia ez da izan ala ez izan. Kontua ekitea da. Atarikide egitea, euskararen aldeko hautua egitea, zure herrian gauzak antolatzea, horren berri ematea, etxetik plazara salto egitea. TOLOSALDEKO ATARIA egiten duzun hori da. Egiten duzun neurrian gara.


EGIN ATARIKIDE!