Joan den astean ekin ziete jaiei, baina gaur dute egun handia, irurarrek. San Migel eguna ospatzen ari dira, eta usadioa berrituz hartu dute, gaur ere, eguerdia. Mezaren ondoren, herriko haur eta gaztetxoek dantza saioa egin dute, udal ordezkarien eta herritarren aurrean. "Urtean bi emanaldi eskaintzen ditugu herrian, eta ikasleak urduri eta gogotsu egoten dira", azaldu du Olaia Etxeberria irakasleak.
Ondoren, udalak hamaiketakoa eskaini die herritarrei. Bi asteburu eta zenbait aste egun eta gero, zapi berdea lepoan lotuko duten azken gaua izango dute gaurkoa, Iruran.