Gaur, sortze bidean den elkarte berriaren eguna ospatzen ari dira Iruran eta jolasak egin dituzte plazan, belaunaldi ezberdinetako herritarrek. Uzta Giro izenarekin osatu dute asteburuko egitaraua, eta bihar, III. Gazte Eguna izango dute.
Aulki-jokoa egin dute arratsaldea abiatzeko. Lehenik gaztetxoak aritu dira, eta gero berriz, helduagoak. Iluntzean poteoa eta gauean afaria egingo dute elkarte berriaren eguna deitu dioten honetan. Afalostean, berriz, Andoni Ollokiegi ariko da kantaldia eskaintzen.
Bihar, III. Gazte Eguna egingo du Irurako Gazte Asanbladak. Goizean Loatzora igoko dira eta bazkariaren ostean, bingoa, karaokea eta poteoa izango dituzte.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!
