Amaitu da Maria Lasarentzat munduko txapelketa, Tamperen, Finlandian. Atleta irurarrak 800 metroko lasterketan parte hartu du. Lehen kanporaketan laugarren kaletik atera da Maria Lasa, eta lasterketa amaiera arte multzoan joan ondoren, azken 200 metrotako esprintean ez du lortu lehen lauren artean sartzerik.
Ez da lasterketa azkarra izan, eta amaierako metroetan erabaki dira parte hartzaileen postuak. Lehen laurek saria zuten, aurrera egiteko txartela. Maria Lasa seigarren geratu da. Irurarraren ametsa finalerdietarako sailkatzea zen.