Orain arte burutu den sortze prozesuan, Iruran abian jarri nahi den elkartearen helburu nagusia eta aurrera begirako erronkak adostu dituzte. Orain, erronka horiei aurre egiteko ekintza proposamenak jasotzeko ordua heldu da. Horretarako, kale dinamika ireki bat antolatu dute gaur, 18:00etatik 20:00etara, Irurako plazan.
Bertan, bakoitzak dituen ideia eta proposamenak jasoko dituzte, elkarteko talde motorreko kideek nabarmendu dutenez, «guztien artean, herri mailako erronkei nola aurre egin pentsatzeko». Helduek euren proposamenak egiteko aukera izango dute buruan darabilten ideia papertxoetan idatzi eta zintzilikatuz.
Haurrekin ere dinamika egin nahi du sortze bidean den Irurako taldeak eta marrazki eta irudi bidez jasoko dituzte herriko umeek proposatzen dituzten ekintzak. 18:00etan hasi eta 20:00etara bitarte bilduko dira irurarrak herriko plazan.
Kale-dinamika batean jasoko dituzte ekintza proposamenak
Iruran sortze prozesuan den elkarteak herriko plazan egingo du gaur dinamika haur eta helduentzat 18:00etatik aurrera.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!