ELAk eta LABek sektoreko langileen ordezkaritzaren %80a dute eta abenduan ekin zieten protestei. Administrazio arduradunen jarreraren aurrean erabaki dute mobilizazioekin jarraitzea, "egoerari buelta" emateko.
Administrazio publikoaren sektorean lanpostu galera izan dela aipatu dute sindikatuek eta behin-behinekotasun tasa jo dute horretarako arrazoi bezala. Gaur egun %36koa da tasa eta Eudelekin sinatutako 'Udalhitz' protokoloa betez gero, %6ra jaitsi daitekeela uste dute ELAk eta LABek. Zerbitzu asko pribatizatu direla ere salatu dute langileek eta horrek zerbitzuaren kalitateari eragin diola.
Lanuztea otsailaren 28rako deitu dute. Bi txandatan egingo dute: goizez 11:00etatik 15:00etara eta arratsaldez 15:00etatik 19:00etara. Manifestazioa ere egingo dute Donostian eta eskualde buruetan ere izango da mobilizaziorik.