Haur, nerabe eta gazteen ekimenak eta parte hartzea sustatzeko zerbitzua, hezkuntza asmoak argi dituen planifikatutako eskaintza da: esku-hartze profesionala, soziala eta hezigarria; hezkuntza-prozesu aldatzaileak sortzen dituena; funtsean harremanei dagozkien tresnen bidez, garapen pertsonala, soziala eta oro har komunitatearena sustatzen dituena.
Ekimenak eta parte hartzea sustatzeko zerbitzuak, hiru helburu nagusi ditu:
• Norbanako-mailan autonomia sustatzea: Norbere burua antolatu eta izateko/egiteko aukera eta gaitasunak izatea.
• Talde-mailan dimentsio aktiboa sustatzea: Gizabidezko jarrera, jendartearekiko konpromisoa eta errealitatearekiko espiritu kritikoa.
• Komunitate-mailan jendarteko aldaketa prozesuetan inplikatzeko gaitasuna izatea.
Baita beste hainbat zehar-lerro ere:
- Euskararen normalizazioa.
- Aniztasuna: Kultura-aniztasuna eta funtzio aniztasuna kontuan harturik gizartean parte hartzeko aukera berdintasuna sustatzea.
- Parekidetasuna: Generoari dagozkion desberdintasunak gainditzeko bitarteko,ekintza eta jarduerak sustatzea.
- Aisialdiaz gozatzea eta ondo pasatzea: Astialdiaz gozatzea, modu aktiboan, partaidetzazkoan, sortzailean, osasungarrian eta ongizate emozionala ahalbidetzekoan.
Ikasturtea borobiltzeko, udalekuei amaiera emango diete, bihar, eguerdiko 12:00etan egingo duten apar festarekin.