2017ko Emakumea Pilotari Eguna Iruran ospatuko da larunbatean, ekainaren 3an. Topaketa berezi honen XI. edizioa izango da aurtengoa, eta bertan elkartuko dira Gipuzkoako hainbat herritan eskaini diren paleta ikastaroetan parte hartu duten emakumeak. Gipuzkoako Euskal Pilota Federazioak bideratzen ditu Emakumea Pilotari barruko ikastaroak, eta 18 urtetik gorako emakumeentzat dira.
10:00etan emango zaio hasiera festari, Emakumezkoen Gipuzkoako Txapelketa Herrikoiaren lehen fasearekin. Zortzi herrik ordezkaritza izango dute txapelketa honetan: Azkoitia, Deba, Donostia, Hernani, Mutriku, Oiartzun, Tolosa eta Zizurkilek. Bikote guztiak bi multzotan banatuko dira, eta multzo bakoitzeko lehendabiziko bi sailkatuak finalerdietara pasako dira.
Txapelketaren lehen fase honen ondoren, saio bateratua izango da emakume guztiekin, era desberdinetako ariketekin. Eta, hori bukatuta, hamaiketakoa izango dute bertaratutakoek. 13:10ak aldera Txapelketa Herrikoiaren bigarren faseari helduko diote: lehenik finalerdiak jokatuko dituzte, eta jarraian finala. Sari banaketa ekitaldia 14:00etatik aurrera egingo da. Eguna behar bezala borobiltzeko, bazkarian elkartuko dira pilotari guztiak.
Iruran, Emakumea Pilotari Eguna
Ekimenaren hamaikagarren edizioan Gipuzkoako hainbat pilotari elkartuko dira larunbatean, festa giroan.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!