Plazako parkea maindire zuriz estalia. Horrela egin nahi izan dute protesta Irurako zenbait herritarrek parkearen estaltzea dela eta, Irurako Udalak azaldu duen jarreraren aurrean. Hain zuzen, udalak 2016ko aurrekontuetan Etxezarreta auzoko parkea estaltzeko 90.000 euro erabiliko zituela aurreikusi zuela eta, herriko guraso talde batek sinadura bilketa bat egiteari ekin zion, plazako parkea estaltzeko eskatzeko, izan ere, parke hau da «erabiltzaile gehien dituena, herriaren muinean dagoena eta gure seme-alaben erreferentea».
300 sinadura batzea lortu zuten guraso hauek. Dena den, «udalak bereari eutsi» eta beheko parkea estaltzeko asmoa berretsi du, aurrerago plazakoa ere estaltzeko aukerari uko egin gabe. «Hori erokeria da, Irura bezalako herri batean ditugun bi parkeak estaltzeko dirutza utziz? Ez du zentzurik», aipatu du guraso taldeak. Udal gobernuari birpentsatzeko eta herriaren ahotsa entzuteko exijitu diote eta horretarako parkea maindirez estali dute egunotan. Protestak ez dira hemen bukatu, ordea, pasa den astearteko plenoan, zenbait herritarren aurkako ahotsak entzun behar izan zituen udal gobernuak gai honen harira. «Orain ikusi beharko da zer erabakitzen duen».
Plazako parkea maindirez estali dute guraso talde baten ekimenez, herriaren hitza errespeta dadin aldarrikatzeko
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!
EGIN ATARIKIDE!