Kaskaillu plazako parkea lehenesten du udal gobernuak, zonalde horretan ez dagoelako eraikin estalirik. Irurako guraso talde batek aurkeztu duen eskabideari erantzunez, udalak kaleratutako oharraren arabera, «San Migel plazan eta inguruetan gune estaliak daude: elizaren ataria edo trinkete-frontoia».
Irurako ikastolak 2017ko urtarrilerako libre utziko ditu, San Migel plazako parkea inguratzen duten udal eraikinak. Udal gobernuaren iritziz, «une egokia izan liteke hori zonaldea berrantolatzeko, eraikin horiei erabilera berriak eman eta, era berean, bien artean dagoen haur parkea estaltzeko aukera aztertzeko ere. Gobernuak ez du inongo unetan esan ez duela parke hori estaliko».
Guraso talde batek San Migel plazako parkea estaltzeko egindako eskaerari erantzun dio ohar bidez
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!
EGIN ATARIKIDE!