Marimi Ugalde, Ainhoa Ugalde eta Ana Leunda Irurako alkateek herriko sinboloa den xarea sartu dute kutxan. Ikastolaren sortzaile eta lehen irakasle, Josune Aiestarenek, Irurako ikastolaren logoa eta gurasoek gaurko data daramaten aldizkari eta egunkariak sartu dituzte lur azpian. Ikastolen Elkarteko kideak iratxoaren irudiaz arduratu dira eta ikasleek, bukatzeko, txanponak bota dituzte kutxa barrura.
Plazatik kalejiran abiatu dira ikasleak eta euripean iritsi dira ikastolara. Lehen harria jartzeko ekitaldian kantuan eta dantzan aritu dira ikasleak. Mokadu bat janez eman diote amaiera gaurko festari, "indarrak har ditzagun eta umorez aurre egin diezaiegun datozen hilabete hauei".