Emakumeak Pilotari Eguna ospatu dute, Iruran, paleta ikastaroetan ibiltzen diren emakumeek. Partidaz partida, Tolosa eta Azkoitia iritsi dira finalera, eta Azkoitiak irabazi du.
Bederatzigarren urtez ospatu dute eguna. Goizean goizetik hasi dituzte pilota partidak Irurako pilotalekuan, eta ligaxka eta finala jokatu ostean, sari banaketa egin dute. Partidez gain, jolasak ere egin dituzte.
Irabazleek bakarrik ez dituzte jaso sariak. Eta saririk onena, antolatzaile eta parte hartzaile guztiek egin duten bazkaria izan da.
ATARIA ez da soilik komunikabide bat: komunitate baten ahotsa da, eta urte hauen guztien ondoren, zuen babesa behar dugu, inoiz baino gehiago: ATARIAk behar du Tolosaldea. Horregatik erronka bat daukagu esku artean: gure eskualdeko 28 herrietan hamarna harpidedun berri behar ditugu. Zu falta zara, bazatoz?