Ertzaintzak azaldu duenez, une honetan arazoak konpontzea eta trafikoa bideratzea da lehentasuna, eta ikerketa bat zabalduko dute istripuaren arrazoia argitzeko. Auto ilara luzeak egin dira, 6 kilometro ingurukoak, eta Ertzaintzak esan duenez, ilarek luze joko dute.
Besoa Gasteizerako noranzkoan erori da, baina bi errailetan izan du eragina. Besoa N-1 errepidera erori da, eta garabiaren kabina Irura pareko industriagunean dago, Mecanizados Irura enpresaren parean. Ez da zauriturik izan, Herrizaingo sailetik azaldu dutenez, eta bi garabi eraman beharko dituzte bertara eroritakoa jasotzeko.
Une honetan 4 kilometro inguruko auto ilarak sortu dira bi noranzkoetan. Ertzaintza trafikoa desbideratzen ari da inguruko industriaguneetatik. Ertzaintzak Nafarroako Foruzaingoari abisu eman dio eta Altsasutik datorren trafikoa A-15era desbideratzeko eskatu dio.