15 parte hartzaile izan dira orotara, horietatik batzuk, banaka aritu dira, eta beste batzuk, gaztetxoenak, helduen laguntzarekin. Garazi Karrera eta Iratxe Iturbe, batetik, eta Igone eta Beñat Urtaza, bestetik, izan dira, epaimahaiaren ustez, tortila goxoenak prestatu dituztenak.
Aurretik marrazki lehiaketaren irabazleen izenak ere eman dituzte. Maddi Zabalegi, June Murua eta Erin Schimmel izan dira garaileak. Patata tortila lehiaketaren ostean, dantzak hartu du lekukoa plazan. Herriko gazteek dantza-soka eskaini dute. Ondoren, Share elkartean bildu dira denak bazkari legea egiteko. Tu Ku TunTX txalaparta taldeak gidatuta txalaparta tailerra egon da arratsaldean eta ondoren, Rockalean elektrotxarangaren saioa egon da. Gazteek afaria izango dute eta Emon eta Kaotiko taldeen kontzertuekin amaituko da larunbateko egitaraua Iruran.