Irurako plazan bi igerileku eta hondartza txiki bat jarri dituzte, Udairura Fest ekimenaren barruan. Gaur 19:00ak zuten ixteko ordua, baina pixka bat aurreratu dira euria dela eta. Egun guztian izan dute bertan jolasteko aukera, hala ere.
Udan freskatzeko aukera dute hondartza edo igerilekua duten herrietan. Hala ere, aukera hori ez dutenek ere pentsatzen dute nola freskatu. Iruran, esate baterako, hondartza bat prestatu dute. Udairura Fest antolatu dute gaurko eta biharko.
Gaur igerilekua egongo da plazan 18:00ak arte, eta 18:00etan Marionatuas Txileko txotxongilo taldeak emanaldia eskainiko du. 20:00etan Nanai taldearen kontzertua ikusi ahal izango da eta bertan afaldu nahi dutenentzat, mahaiak eta aulkiak jarriko dituzte.
Bihar, eguraldiak lagunduz gero igerilekua egun guztian egongo da, 11:00etatik 13:00etara, eta 15:00etatik 19:00etara.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!