VIII. Emakumea Pilotari eguna ospatu dute Iruran. 2007. urtean ospatu zen lehen aldiz, eta urtez urte pilotari nahiz pilotazale askok parte hartzen du egun honetan.
10:00etara elkartu dira Irurako pilotalekuan eta Emakumezkoen Gipuzkoako VI. Txapelketa herrikoia jokatu dute. Larraul, Zizurkil eta Tolosako bikoteekin batera, Azkoitia, Lasarte, Hernani, Oiartzun eta Zarautzeko bikoteak aritu dira. Finala Hernani eta Tolosarren artekoa izan da, eta azkenean Hernanik irabazi du. Sari banaketa egin ostean, festarako txanda izan dute.
Egun honetan ez dira partidak soilik izaten, eta bazkaria ere egin dute 40tik gora emakumek. Arratsaldean festa luzatu da, musikarekin.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!