Eskolako seigarren mailako ikasleek izango dute horretarako ardura; mozorro festari hasiera emateko txupinazoa botako dute, 11:30etan, eskolako balkoitik.
Erraldoi eta buruhandien konpartsa sortu zutenetik Ikaztegietan festarako gogoz daude. Pako Belea konpartsa dute hori, eta iaz bezala aurten ere ostiral mehean egingo dute hitzordua otsailak 13an, hain zuzen. Gure Plazatxo nerabeen eskutik, Pako Belearekin jolasak egingo dituzte, eta horren ostean, Pako Belea konpartsaren kalejira egingo dute herrian zehar. Txokolatadarekin agurtuko dituzte aurten inauteriak Ikaztegietan.
EGITARAUA
- Otsailak 12, osteguna
- 11:30. Eskolako 6. mailako ikasleek txupinazoa botako dute eskolako balkoitik. Mozorro festa.
- Otsailak 13, ostirala
- 16:30. Pako Belearekin jolasak Gure Plazatxo taldeko nerabeen eskutik.
- 17:30. Erraldoien kalejira herrian Pako Belea konpartsarekin. Ondoren txokolatada.