Ikaztegietaren sarrerako errepidean (Legorreta aldetik) bi zebrabide berri jarri dituzte kiroldegiaren ondoko biribilgunean. Biribilgunearen alde bakoitzean zebrabide bana jarri dute, eta goratuak zein argiztatuak dira. Obra horrekin kiroldegiko berdegunerako irisgarritasuna bermatzea da helburua, eta, aldi berean, ibilgailuek abiadura moteltzea.
Lanketaren zati bat
Ikaztegietako Udaletik zehaztu dute neurri horrekin ez dela murriztuko ibilgailuek herrigunean izaten duten abiadura, baina kiroldegiko eremura modu seguruagoan gurutzatzea ahalbidetuko duela.
Zentzu berean, herri barruan ibilgailuen abiadura murrizteko proiektua Gipuzkoako Foru Aldundiarekin elkarlanean jorratzen ari direla ere aurreratu dute.